Mae Ben Jeffreys wedi’i benodi’n Brif Swyddog Gweithredol Ymddiriedolaeth Hamdden Torfaen.
Roedd Ben yn arfer bod yn Brif Swyddog Gweithredol Clwb Rygbi Pont-y-pŵl ond fe ddechreuodd yn ei rôl newydd gydag Ymddiriedolaeth Hamdden Torfaen ym mis Ionawr 2023. Yn y rôl hon mi fydd yn allweddol wrth weithredu strategaeth uchelgeisiol y cwmni.
strategy.
Treuliodd Ben dros 10 mlynedd gyda Chlwb Rygbi Pont-y-pŵl. Fel Cyfarwyddwr Masnachol yn gyntaf ac yna fel Prif Swyddog Gweithredol o 2014.
Ymddiriedolaeth Hamdden Torfaen yw'r unig elusen sy'n canobwyntio ar iechyd, ffitrwydd a lles pob cenhedlaeth yn Nhorfaen. Ei chenhadaeth yw darparu gweithgareddau ffitrwydd a lles o'r radd flaenaf o'i phum canolfan hamdden - Stadiwm Cwmbrân, Canolfan Byw Egnïol Pont-y-pŵl, Canolfan Hamdden Fairwater, Canolfan Byw Egnïol Bowden a Chanolfan Sgïo Pont-y-pŵl.
Ganed Ben yng Nghasnewydd ac roedd yn gyffrous i ddechrau yn ei rôl newydd. Meddai:
"Rwy'n hynod o ddiolchgar i gael y fraint o arwain Ymddiriedolaeth Hamdden Torfaen ar adeg mor gyfforus ac allweddol, ac yn cydnabod y cyfrifoldeb sy'n dod gyda'r rôl."
"Rwy'n ymrwymo i fod yn Brif Swyddog Gweithredol sy'n ymgysylltu ac yn cydweithio, sy'n weladwy ac sy'n arddangos y gwerthoedd yr wyf yn eu rhannu gydag Ymddiriedolaeth Hamdden Torfaen - yn ddi-os, lles cydweithwyr a chwsmeriaid fydd fy mlaenoriaeth bennaf ar bob adeg.
"Â minnau wedi gweithio wrth galon chwaraeon yn Nhorfaen dros y ddegawd ddiwethaf, rwy'n deall y dirwedd heriol ac yn edrych ymlaen at ymgysylltu â grwpiau a chlybiau chwaraeon lleol er mwyn sicrhau bod Ymddiriedolaeth Hamdden Torfaen yn parhau i chwarae rhan gefnogol wrth hyrwyddo cyfranogiad gydol oes mewn chwaraeon a llesiant yn Nhorfaen.
"Fy uchelgais yw meithrin partneriaethau cryf sy'n para, gyda rhanddeiliaid allweddol, a dod o hyd i gyfleoedd newydd sydd â ffocws ar sicrhau bod Ymddiriedolaeth Hamdden Torfaen yn chwarae rhan bwysig wrth wella iechyd a lles pawb yn Nhorfaen a bod y rhan honno'n ehangu ac yn ymestyn drwy'r amser. Rwy'n dymuno gwella profiad cwsmeriaid a rhanddeiliaid sydd gennym yn barod ond rwyf hefyd eisiau dod o hyd i ffyrdd o annog y rheiny sydd ddim yn cymryd rhan mewn chwaraeon a gweithgareddau llesiant ar hyn o bryd yn Nhorfaen er mwyn iddyn nhw deimlo bod gan Ymddiriedolaeth Hamdden Torfaen rywbeth i'w gynnig i bawb - waeth ar ba gam y maen nhw ar eu siwrnai iechyd a lles.
"Mae'r cyfle i weithio gyda'r Bwrdd, i gyflawni cynllun strategol Ymddiriedolaeth Hamdden Torfaen, yn fy nghyffroi. Ond, rwyf hefyd yn cydnabod yr heriau y mae'r Ymddiriedoaleth a'r gymuned ehangach yn Nhorfaen yn eu hwynebu wrth adfer ar ôl COVID-19 ac wrth i ni geisio ffeindio'n ffordd trwy argyfwng costau byw digynsail. Mae gan Ymddiriedolaeth Hamdden Torfaen ran allweddol i'w chwarae wrth gefnogi iechyd a lles trigolion Torfaen ac rwyf wedi ymrwymo i weithio gyda phob rhanddeiliad er mwyn sicrhau bod yna gyfleoedd i'r gymuned gadw cysylltiad trwy gyfnod heriol y gaeaf sydd o'n blaenau. Mi fydd hi'n hanfodol i'r Ymddiriedolaeth gadw ffocws strategol a bod yn ddigon hyblyg i addasu at rymoedd micro a macro ar bob adeg, er mwyn sicrhau bod modd i aelodau, grwpiau a rhanddeiliaid gadw cysylltiad ag Ymddiriedoaleth Hamdden Torfaen, ei chyfleusterau a'i gwasanaethau."
Meddai Sam Heighway, Cadeirydd Ymddiriedolaeth Hamdden Torfaen:
"Ar ran y bwrdd, hoffwn longyfarch Ben a'i groesawu i'r tîm. Yn dilyn proses gyfweld gystadleuol, roeddem wrth ein boddau i gynnig rôl y Prif Swyddog Gweithredol i Ben. Roedd yn gallu dangos bod siwrnai glir a chyffrous ganddo mewn golwg ar gyfer y sefydliad, ac rydym yn edrych ymlaen at ei groesawu'n ffurfiol ac at weld y sefydliad yn tyfu ac yn gwneud gwahaniaeth cadarnhaol iawn i'n cymunedau."
Ar gyfer ymholiadau'r wasg, cysylltwch â Bethan Lewis, Brandrocker ar 07814663957 bethan@brandrocker.co.uk
Welsh 
English