Mae yma brif lethr gyda thwmpathau ar gyfer y rheiny sy'n anturus, rampiau a rheiliau ar gyfer sgïo a byrddio rhydd, llethr fawr yn arbennig i ddechreuwyr ac ardal ddysgu esmwyth er mwyn i sgïwyr a byrddwyr ddatblygu rheolaeth cyn iddynt fentro'n uwch i fyny'r llethr. Mae lifft botwm yn gwasanaethu'r llethr gyfan a gall pob un ei ddefnyddio ar ôl dysgu rheolaeth sylfaenol. Mae caban pren deniadol yn gartref i ystafell gyfarpar sgïo a byrddio sydd â dewis rhagorol, yn ogystal â man gorffwys cyfforddus, lle dan do i wylio, toiledau ac ardal newid.

Rydym yn darparu ar gyfer sgïwyr a byrddwyr o bob gallu, o ddechreuwyr i arbenigwyr, sgïwyr rhydd a thiwbiau Ringo. Mae yna sesiynau Ymarfer Agored a gwersi sgïo/byrddio i oedolion ac i blant yn ystod yr wythnos ac ar benwythnos. Bob gwyliau ysgol rydym yn cynnig sesiynau i blant bob prynhawn. Darperir ar gyfer ysgolion, grwpiau ieuenctid a phartïon pen-blwydd a chynigir hyfforddiant, ymarfer a thiwbiau yn ystod yr wythnos.